Faydalı Məsləhətlər

Dodaq dolgusu tətbiqindən sonra ilk 24 saat nəticələrin keyfiyyətinə böyük təsir göstərir. Dodaqlara lazımsız təzyiq tətbiq etməmək vacibdir. Saman vasitəsilə içki içmək və öpüşmək kimi fəaliyyətlərdən uzaq durmaq tövsiyə olunur. Dodaq kirşanı çəkməyin. Həddən artıq isti və soyuq yerlərdən uzaq dayanmaq lazımdır. Əgər sərtlik hiss olunursa, gün ərzində yüngül masaj edə bilərsiniz. Prosedur lokal anesteziya ilə aparıldığı üçün hissetmə bərpa olunana qədər yemək-içmək olmaz. Dolğunun dodaq toxuması ilə tam inteqrasiyası üçün kifayət qədər vaxt lazımdır.

Yay mövsümü yaxınlaşır və dəriniz artıq dəyişən hava şəraitinə hazır olmalıdır. Dərinin dərin təmizlənməsi lazımdır: məsamələri açın, nəfəs alsın. Ölü dəridən azad olun. Nəmləndirmə və qoruma vacibdir: quruluq və ləkələrin qarşısını alın. Bakıda hava çox quru, küləkli və tozludur. Ona görə Bakının iqlimində dəri 5-10 yaş daha tez qocalır. Güclü nəmləndiricilər və ləkə təmizləyicilər istifadə edin. Gündə iki dəfə, səhər və axşam nəmləndiricilərdən istifadə edin.

Bu yaşda dərimiz hələ elastikdir, amma yüngül yaşlanma əlamətləri görünməyə başlayır. 25 yaşda nəmləndirici maskalar, pilinq və təmizləyici prosedurlar dərinin parlaq və təravətli olmasına dəstək verir. 35 yaşdan sonra kollagen istehsalı azalır və botoks, dolğu və lazer müalicələrinə ehtiyac yaranır. 40 yaşdan sonra bəzi insanlar cərrahi müdaxilələri düşünə bilər. Əfsanəvi Koko Şanel deyirdi: '20 yaşında üzünüz sizə təbiətin bəxşidir, 50 yaşında necə olacağı isə sizdən asılıdır.'

Mezoterapiya ilk dəfə 1950-ci ildə Fransada tətbiq olunub. Çox kiçik dərman dozaları ilə problemli bölgələrə tətbiq olunur. İstifadə edilən dərmanlar: təbii bitki ekstraktları, homeopatik maddələr, vitaminlər, zülallar və minerallardır. Dərinin cavanlaşmasında, arıqlamada, selülit müalicəsində və saç tökülməsi problemlərində effektivdir. Tətbiq 2-4 həftəlik fasilələrlə həyata keçirilir. Hamilələr, diabet xəstələri, qan laxtalanması problemi olanlar mezoterapiyadan istifadə edə bilməz.

Soyuq havalar dəriyə mənfi təsir edir, dəri quruyub qabıq verir. Qışda qidalandırıcı kremlərdən istifadə etmək, havaya çıxmazdan bir saat öncə krem çəkmək mütləqdir. Dərini qurutduğu üçün toz pudradan istifadə etmək məsləhət deyil. Skrabları tez-tez istifadə etmək olmaz. Yağlı dəriyə sahib insanlar həftədə bir dəfə, quru dərililər iki həftədə bir dəfə istifadə edə bilərlər. Dodaqlara balzam və ya yağlı dodaq boyası istifadə olunmalıdır. Əllərə qidalandırıcı krem vurmaq zəruridir. Dərinizi nəmləndirmənin ən ideal zamanı payızdır.

Dərinizə sürtdüyünüz məhsullar qədər qəbul etdiyiniz qidalar da önəmlidir. Ən yaxşı dəri pəhrizi müxtəlif rəngli tərəvəz və meyvələrdən, dərini gücləndirən omeqa-3 yağ turşularından, kollageni artıran C vitamini və antioksidant A və E vitaminlərindən ibarətdir. Otlar və ədviyyatlar da antioksidantlarla zəngindir. Zərdəçal ən yaxşı antioksidantlardan biridir. Sağlam olmayan qidalardan (fast food-lardan) uzaq durun. Yuxu zamanı dəri dincəlir, orqanizmin bərpası və regenerasiyası başlayır.

Bədənin birləşdirici toxumasının 80%-ni təşkil edən kollagenin əsas vəzifəsi dəriyə möhkəmlik, elastiklik və davamlılıq verməkdir. Yaşlandıqca kollagenin istehsal prosesi zəifləyir. Dəri möhkəmlik və elastikliyini itirir, üst qatı nazikləşir, quruluq əmələ gəlir. Üzün aktiv mimikas kollagen tellərinin zədələnməsinə səbəb olur. Kollagen müalicəsi ilə cəmi 3 seansla cavanlaşma effekti əldə etmək olar. Əllər, üz, boyun, dekolte bölgəsinə tətbiq olunur.